Warbixin ay soo saartay xarunta warfaafinta ee hoostagta wasaradda arimaha gudaha dalka Yemen ayaa lagu sheegay in bishii November oo kaliya dalka yemen ay caga dhigteen ku dhowad 2700-oo tahriibayal Soomaali ah kuwaas oo kasoo kala degay xebaha gobolada Ticis, Abyan, Xadramuud iyo magaalada caasimadda ah ee Sanca.

Warbixinta ayaa lagu sheegay in bishii November ay badaha u dhexeeya yemen iyo Somaliaku geriyoodeen 120-tahriibayaal Soomaali ah, iyadoo 20-kamid ah ay u geeriyoodeen gaajo iyo haraad soo wajahay xiligii ay doonta saarnaayeen, halka 100-ka kalena ay la qalibmadeen doomihii ay sarnaayeen.

Waxaa sodoo kale la sheegay in 1300-oo kamid ah tahriibayasha gaaray dalka yemen ay u sii gudbeen dalka dariska la ah yemen ee Saudi arbia, oo ah hadafka ugu weyn oo ay leeyihiin Soomaalida u tahriibta dalalka Khaliijka.

Hay’adaha amniga dalka yemen ayaa bishii lasoo dhaafay sameeyay dadaalkii ugu badnaa oo ah in ay badbaadiyaan tahriibayasha soomaalida, iyagoo si weyn u dhimay khasaaraha ka dhasha tahriibka aan xadka laheyn oo ay ku dhaqaaqaan Soomaalida ka baxsaneysa dagaalada ka holcaya Somalia.

Bishan aynu ku gudo jirno ee December ayaa la filayaa in dalka Yemen ay caga dhigtaan ilaa 1400-oo tahriibayaal ah sida warbixinta lagu sheegay, iyadoo baduna ay tahay xiligii ay ugu daginiyaashaha badneyd.

Sanad walba ayaa dalka Somalia waxaa ka carara kumanaan tahriibayaal ah oo u badan dhalinyaro ay soo wajahday shaqo iyo waxbarasho la’aan ka jirta Somalia, tiiyoo ay sii dheertahay dagaalo aan joogsi laheyn oo wali kasii socda dalka Somalia, taasina ay dhalisay in Soomaalida in ay isaga cararaann dalkooda.

Hase yeeshee marka ay ka cararaan dalkooda ayey dhibaatooyin kala kulmaan inta ay ku sii jiraan tahriibka oo qaarkood ay nafsadooda ku waayaan, halka kuwa hadafkoodana gaarana ay dhibaatooyin kula noolyihiin dalalka ay ku tagaan tahriibka.

H.M.C