MUQDISHO::Tifatiraha Radio Muqdisho C/raxmaan Yuusuf

Al-Cadaala ayaa faah faahin ka bixiyey dilki loo geystay ALLA ha u

naxariistee Wariye Sheekh Nuur Abkeey oo ka tirsanaa Radio

Muqdisho.

Al-Cadaala oo wareysi siiyey Idaacada VOA laanteeda Afka

Soomaaliga ayaa ku eedeeyey dilka saxafigan laba nin oo ka tirsan

Al-Shabaab horayna u ahaan jiray wariyaal kasoo shaqeeyey

warbaahinta madaxa banaan ee Muqdisho.

Wuxuu sheegay C/raxmaan in ka hor inta aanan la dilin ay soo

waceen isaga laba nin oo uu ku kala magacaabay Xasan Xanaji

Xaaji oo horay ugu tirsanaan jiray Idaacada Qur,aanka Kariimka ah

iyo Isamaaciil Istiila oo ka shaqeyn jiray Radio Zimba.

Labadaasi nin oo hada ah saraakiil ka tirsan Shabaab ayaa waxuu

sheegay Al-Cadaala in ay u sheegeen in maalin in heystaan Sheekh

Nuur Abkeey hada kadibna uu la sii shaqeyn doonin.

"Aniga waxaa isoo wacay ka hor inta eysan dil laba nin oo horay

saxafiyiin u ahaan jiray balse hada ka tirsan kooxda Al-Shabaab oo

kala ah Xasan Xanafi Xaaji iyo Ismaaciil Istiila, labadaasi waxay ii

sheegeen in ay Shiiq Nur Abkeey ay hayaan maalin danbana uusan

kasii shaqeyn doonin Radio Muqdisho" ayuu u sheegay VOA.

Wuxuu kale uu sheegay Al-Cadaala in marki danbe ay sadex

xabadood ku dhifteen kadibna meydkiisa lasoo dhigay xaafada

Geyd Jaceyl iyadoo dusha laga saaray mobaaylkiisa.

Marxuumka ayaa saxaafada kusoo jiray wax ka badan 40

sanadood, dhawaanahaan wuxuu ahaa tifaf tiraha Wakaalada

Wararka Soomaaliyeed ee SONA inkastoo aysan si quman u

shaqeynin.

Waa wariyihii koowaad oo sanadkaan 2010 lagu dilo Magaalada

Muqdisho ee xarunta dalka Soomaaliya, iyadoo wariyaasha

Soomaaliyeed intooda badan la kulmaan Hanjabaad iyo

cagajuglayn ay kala kulmaan kooxaha iska soo horjeeda ee ka

dagaalamaya Gudaha Soomaaliya.

HADAAFTIMO MEDIA CENTRE

Comments

Add New Search

Write comment
Name:
Email:	do not notifynotify
Title:

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."