Iyadoo ay iska soo daba dhacayaan cambaareynta kasoo baxaya qeybaha bulshada iyo siyaasiyiinta Somalia ee ku aadan dilki culimadi Tabliiqa,ayaa Xaraka Shabaab Al Mujaahidiin iyo Ahlu Sunna waxaa mid midka kale uu ku eedeyey in uu ka danbeeyey dilkii foosha Xumaa ee shalay ka dhacay magaalada Gaalkacyo.

Afhayeenka Xarakada hubaysan ee Al-shabaab Sheekh Cali Maxamud Raage oo shir jaraa’id qabtay ayaa sheegay in goobta uu ku yaalla Masaajidka lagu laayay Culimada Tabliiqa ay gacanta ku hayaan Culimada Ahlu sunna Wal-jameeca, wuxuuna intaasi ku daray inay iyaga ka dambeeyeen dilkooda maadaama ay la shaqeynayaan cadowga Ilaahay, waa sida uu hadalka u dhigaye.

“Qolooyinka Dawladda sheeganaya iyo kuwa ka been sheegay Ahlu Sunna iyaga ayaa oran jiray dagaal yahano ajnabi ah ayaa dalka ku soo duulay, saraakiil Pakistan ayaa hogaaminaysa, waxayna taasi muujinaysaa cadaawadda ay kooxahaasi u qabaan wadaadada Pakistanka” ayuu yiri Sheekh Cali Maxamud Raage oo dhinaca kale sheegay in Mujaahidiina ka go’an tahay inay u aaraan wadaadadaasi la laayay.

Dhinaca kale afhayeenka Culimada Ahlu Sunna Wal-Jameeca Sheekh Yuusuf Al-qaadi oo isagana shir jaraa’id u qabtay saxaafadda ayaa waxa uu sheegay in qaabka uu u dhacay dilka loo gaystay wadadadaasi Tabliiqa ah ay tahay xeeladda ay adeegsadaan kooxoo uu ku tilmaamay inay yihiin khawaarij oo ka soo horjeeda in shacabka Soomaaliyeed dhexdooda lagu fidiyo diinta Islaamka.

“Waa caado lagu yaqaano khawaarijta in marka ay laayaan culimada, saraakiisha iyo waxgaradka ay durba inta shir jaraa’id qabtaan oo ay u tacsiyeeyaan si ay isaga bari yeelaan dilka ay gaysteen, waana siyaasad u degsan oo lagu qiyaamaynayo shacabka Soomaaliyeed” ayuu yiri afhayeenka Culimada Ahlu Sunna Wal-Jameeca oo dhinaca kale sheegay inaanay haba yaraatee wax lug ah ku lahayn xasuuqa wadadaadaasi Tabliita ah loogu gaystay magaalada Gaalkacyo.

Si kastaba ha ahaatee dhamaan bulshada Soomaaliyeed ayaa si aada uga careysan ugana xun dilka shana nin oo Tabliiq ah una dhashay dalka Bakistaan kuwaas oo kooxo mana xayaal ah ku laayeen magaalada Galkacyo.

Comments

Add New Search

wiilo  - wuuuuuuuuw   |2009-08-13 17:56:44 asc marka xiga sheeko baa bilaabeen iyo isku tuurtuur war ilaahy hortiisa waxba lama ankiraayo qofkii qof dilana maalin ayaa laga jaazo marinayaa hadayba ka dareen meel kale waxaan ku arkay in ay ku eedeeyeen puntland al suna wal jamacaah kuwaan la dhahaayo war puntland dadka dhiigooda ma cabdo umana xiisto ee idinka bay cadao idiin tahay alshabaab iyo alsuna xisbul islaam magacyoo badanaa belo idin qaaday kkkkkkkkk

Hussein  - Dr   |2009-08-13 18:05:02 ACW anigu waxaan filiya in ay yihiin qolyaha la yirahdo ahlusuna wal jamaaca oo ay moodeen wadaada in ay yihiin alshabaab ama aysan kala aqonba maadama ay yihiin xisbi cusub oo aan aqoon dherad ah lahayn

henry  - professor   |2009-08-13 18:05:55 hello every one

Anonymous   |2009-08-13 19:30:59 kuwa laayey Culumada Cirroolayaasha ah oo hadana martida ah oo aan cidna denbi ka gelin gacmaha ilaahay haka gooyo halaag aduun iyo mid aakhiro oo usoo degdega ilaahay ha marsiiyo ilaahay nolosha ha ku cadaabo belaayo iyaga ku goonni ah ilaahay ha u keeno ilaahoow iga aqbal aamiin culimada ay laayeenna ilaahay shahaado ha gudoonsiiyo denbigoodana ilaahay ha dhaafo guri koodii aduunka uga khayr badan ilaahay jannada hak siiyo ehelkoodiina ilaahay samir iyo iimaan haka siiyo Aamiin

pravoooo   |2009-08-20 06:29:07 horta marka hore wad salaaman tihiin dhamaantiin ba hadii ann gudoo galaana aniiga sideey ila tahey nimaanka wax ileyy waa nimaankan dee yidhii hala isqarxiiyo oo waa lagu janaa galaayaa ee lamagac baxay al shabaab iney iyaguu yihiin kuwa wax dileey

Write comment
Name:
Email:	do not notifynotify
Title:

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."