MUQDISHO::Raysalwasaaraha dawladda Faderaalka ee Soomaaliya Cumar C/rishiid Cali Sharmaake oo ka hadlay markii ugu horeysay heshiiskii lugu saxiixay magaalada Jabuuti ee uu saxiixay Wasiirka Kulluumeysiga Iyo Kheyraadka Badda ee dawladda Faderaalka ee Soomaaliya C/rixmaan Xaaji Aaden (Ibi).

Heshiiskii lugu saxiixay magaalada Jabuuti ayaa ka hor imaanayay mid ka mid ah qodobadii ay gaareen dawladda Puntland iyo dawladda Faderaalka ee Soomaaliya, 23-kii Bishii hore, isagoo si gaar ah uga hor imaanayay qodobka ah in Xarunta Ladagaalanka Burcad Badeda laga dhiso deegaanada Puntland.

Jabuuti iyo Wafdi uu hogaaminayo Shariif Sheekh Axmed ayaa isku raacay in xaruntaasi laga dhiso dalka Jabuuti, taasoo aad uga soo horjeeda heshiiskii Puntland iyo dawladda Faderaalka ee Soomaaliya.

Raysalwasaaraha Soomaaliya wuxuu shaaciyey in aysan heshiiskaas iyo kii Jabuuti waxba ka dhaxeyn, isla markaasna uusan marnaba carqalad gali karin heshiiskii uu ku saxiixay magaalada Gaalkacyo.

Heshiiskaasi qodobadiisa waxaa kamid ahaa in xarunta Tababarada iyo Ladagaalanka Burcad badeda laga dhiso deegaanada Puntland, caalamkana ay ka dhaadhiciso dawladda Faderaalku, balse heshiiskii loo saxiixay dawladda Jabuuti ayaa carqalad ku noqday.

R/wasaare Sharmaake wuxuu balan ku qaaday in ay dhamaantood hirgalayaan qodobadaasi, wuxuuna shaaciyey in ay dhawaan labada dhinac bilaabi doonaan wada xaajoodyo toos ah oo ku aadan xaaladaha heshiiskaas, oo la hirgalinayo sida ugu dhaqsaha badan.

Mr. Sharmaake wuxuu sidoo kale beeniyey in uu dhaxeeyo isaga iyo Madaxweynah dawladda Soomaaliya, khilaaf ku aadan arrimahaasi, isla markaasna wasiirada dawladda Soomaaliya iyo Madaxweynaha uu ka dhaxeeyo xirii wanaagsan oo ku aadan xaalada dalka.

Todobaadkii ugu dambeeyey waxaa soo baxayay warar sheegaya in uu jiro khilaaf udhaxeeya Madaxweynaha dawladda Faderaalka ee Soomaaliya Shariif Sheekh Axmed iyo Raysalwasaare Cumar C/rishiid Cali, kaasoo ka dambeeyey markii uu R/wasaaruhu heshiis lagalay dawladda Puntland ee Soomaaliya, kaasoo mid lid ku ah heshiiskii Galkacyo ay saxiixeen Wafdi uu hogaaminayay Madaxweynaha dawladda Faderaalka KMG ah ee Soomaaliya.

 

HADAAFTIMO MEDIA CENTRE

Comments

Add New Search

Anonymous  - matoobi   |2009-09-17 03:55:05 ra'iisal wazaara ku sheegu hadii aanu difaaci karayn heshiiska uu lagalay dawlada puntland ee somaaleyeed, taasoo balcidkale iska daaye,uu wiilxun oo(DABA ROGATA AHI) jebeyey. waxay igula wanaagsanaan lahayd inta inyar oo sharafi uhartay inuu iskaga tago, haddii kale, isagoo bisad kayar ayuu waqti aan fogayn isagoo bannanka yaal is arki doonaa!!! salaama calekum.

AADAN   |2009-09-17 23:51:52 DHIBKU MAAHA INA SHARMAARKE EE DHIBAATADU WAA KAN SHEEKH SHARIIF OO DOOR BIDAY INUU DABA DHUTIYO KOOXDA SHARIIF SHEEKH AADAN OO IBBIGANINA KA MID YAHAY, MARKAA WAYBA ADAG TAHAY WAXA UU QABAN KARO, WAANSE KUGU RAACSANAHAY INAY ISAGA U QUMMAN TAHAY INUU JAGADA BANEEYO SHARAFTANA KA RAACO..

Duulane  - Xaqiiqada   |2009-09-18 19:08:45 Marka Hore Ramadan KAriim Waxaan Kaloo Salaamayaa Dhamaan Bahada Hadaaftimomedia ,,, Intaas ka dib hadii Aan fikirkayga ka dhiibo arinka khliaafka ah, Runtii Dowlada Puntland heeshis bay laga shay dowlada Somalia Gaar Ahaan Raiisul Wasaraha oo wakiil Ka ahaa dowlada, Puntland Heshiiskeeda Waxaa ku jira Qodobo Aan Macquul Ahayn Kuwaas Oo Ah In Ay puntland Dowlada Somalia Wafdi ku darsato hade Puntland Waxay Hoostagtaa xrunta Villa Somalia,, iyo In Xarun Looga DHigo Ladagalanka Burcadbadeeda ,, meesha larabo in wax laga qabtaana Waa puntland oo ah centerka Burcadbadeeda Somalia,,, Marka Puntlan siyaasadeeda yeysan Ku Salayn Qabiil Ee Qaranimada Qaata Ayaan Idin leeyahay,,

faysel  - Eng   |2009-09-19 00:08:58 Ramadaan Kariim: hadaan isku dayo in aan inyar ka iraado Hashiiskii Pl/DKMs.Waxaan filayaa in labadab dani ugu jirtay gaar ahaan dawlada somalia. waxaan ku salayna yaa hadii heshiis kaasi hirgalo Micnuhu waxa weeye Dawlada Dhexe ayaa Pl, Katalisa madaxwaynuhu haduu tagon sidii madxwaynaa loogu soo dhowayn (siyaasiyan aad bay ugu fiicnada Dawlada dhex) sabtoo ah wax qudha ee ay gaday waxa weeye dalka awood baanu ku leena hay. Lakiin ahday heshiiskaa jebiyaan garan mayo isa xaal noqon. Tan kale hadii Pl, loodiido in ciidan ka bada somaliya xarun looga dhigo maxaa DJabuti lagala doonay.waxaan u arakaa arin salka ku haysa Business. Sidii roon al haka dhigo.

Puntlander  - End of Somalia   |2009-09-19 23:47:15 Waxaa muuqatta in Qabaa'ilka Southka degan aysan doonaynin in Dowladdii Somalia la soo ciliya ayaddoo jirto sababbo fara badan aysan u doonaynin. Waxaa loogga baahan yahay dadka u dhashay Puntland inay temporarily ka go'aan Somalia ilaa mudo 10 sanno soo socda. Tobaankaas sanno la sugga gobolladda Southka inay dhistaan dowladd gobeeldyo la mid ah Puntland iyo Somaliland. Haddii tobanka Sano ay dhamaato oo goboladda Southka aysan diyaar ahayn, waxaa loo baahan yahay Puntland inay isku daydo in Dowladd ferally ah la dhisato Somaliland haddii suurto gal ay tahay. Haddii Kale, Puntland ay ku dhwaaqdo inay ka Go'day Soomaliya.

Write comment
Name:
Email:	do not notifynotify
Title:

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."